दशक ६ : समास १ : देवशोधन
पाच ओव्या अर्थासहित.
।। श्रीराम ।।
चित्त सूचित करावें । बोलिलें तें जीवीं धरावे ।
सावध होऊन बैसावें । निमीष्य येक ।। १।।
कोणी येके ग्रामीं अथवा देसीं । राहाणें आहे आपणासी ।
न भेटतां तेथिल्या प्रभूसी । सौख्य कैचें ।। २ ।।
मराठी अर्थ:
।। श्रीराम ।।
श्रोते हो, क्षणभर सावधान होऊन बसा व चित्त एकाग्र करून, मी आत्ता पर्यंत जे सांगितले आहे ते मनात नीट साठवून ठेवा. (१)
असे पाहा की, जर आपल्याला एखाद्या गावात अगर प्रांतात वस्ती करायची असली व आपण त्या ठिकाणच्या मुख्य (शासक) अधिकाऱ्याची भेट घेऊन त्याची संमती न घेता राहिलो तर ते राहणे सुखाचे होणार नाही. (२)
