दशक ६ : समास १ (ओव्या १७ आणि १८)

  ।।श्री राम समर्थ श्री राम ।।

ओव्या:

चळेना ढळेना देव। ऐसा ज्याचा अंतर्भाव। 

तोचि जाणिजे महानुभाव। संत साधू ।।१७।। 

जो जनामधें वागे। परि जनावेगळी गोष्टी सांगे। 

त्याचे अंतरीं ज्ञान जागे। तोचि साधु ।।१८।। 

मराठी अर्थ:

संत, साधू किंवा महात्मा हा अचल, अजर, अमर अशा देवाला अंतर्यामी जाणत असतो. (१७)

असा महात्मा हा कुठे अवघड जागी राहत नसून तो लोकांमध्येच राहून लाकांसारखाच वागतो. पण त्याच्या अंतरात ज्ञान प्रकट झालेले असल्यामुळे तो लोकांप्रमाणे सांसारिक चर्चा न करता काही वेगळ्याच मार्गाचा उपदेश करतो. (१८)