दशक ६ : समास १ (ओव्या २६ आणि २७)

                                                                    ।।श्री राम समर्थ श्री राम ।।

ओव्या:

रोग्यापासीं रोगी गेला। तेथें कैंचें आरोग्य त्याला। 

निर्बलपासीं निर्बळाला। पाठी कैंची ।।२६।। 

पिशाच्यापासीं पिशाच्य गेलें। तेथें कोण सार्थक जालें। 

उन्मत्तास उन्मत्त भेटलें। त्यास उमजवी कवणु ।।२७।। 

मराठी अर्थ:

आजारी मनुष्य आरोग्यासाठी दुसऱ्या रोग्याकडे जाईल तर तो कधी निरोगी होईल काय? किंवा एक दुर्बल जर का दुसऱ्या दुर्बळापाशी गेला तर त्याचे संरक्षण कसे बरे होईल. (२६)

पिशाचापाशी दुसरे पिशाच गेले तर कसला उद्धार होणार? एका उन्मत्ताला (मस्तवाल) दुसरा उन्मत्त भेटला तर समजूत कोण कुणाची काढणार? (२७)