।।श्री राम समर्थ श्री राम ।।
ओव्या:
असो ऐसियां समस्तां। येक ब्रह्मा निर्माणकर्ता।
त्या ब्रह्मायासहि निर्मिता। कोण आहे ।।११।।
ब्रह्मा विष्णु आणि हर। त्यांसी निर्मिता तोचि थोर।
तो ओळखावा परमेश्वर। नाना येत्नें।। १२।।
मराठी अर्थ:
असे अनेक चक्रवर्ती निर्माण करणारा जो एकटा ब्रह्मदेव आहे, त्यालाही जन्मास घालणारा कोण असावा बरे? (११)
ब्रह्मदेव, विष्णू व महादेव यांनाही ज्याने उत्पन्न केले आहे तोच सर्वांत श्रेष्ठ असला पाहिजे. तेव्हा कितीही प्रयत्न करावे लागले तरी त्याला जाणून घ्यावे लागेल. (१२)
