।।श्री राम समर्थ श्री राम ।।
ओव्या :
त्यास न भेटतां त्याचे नगरीं। राहातां धरितील बेगारी।
तेथे न करितां चोरी। आंगीं लागे। ।।६।।
या कारणें जो शाहाणा। तेणें प्रभूसी भेटावें जाणा।
ऐसें न करितां दैन्यवाणा। संसार त्याचा ।।७।।
मराठी अर्थ :
अधिकाऱ्याला न भेटता जर त्याच्या अधिकारी क्षेत्रात जाऊन राहिलो तर आपणास उपरा समजतील व तिथे चोरी झाली तर निरपराधी असलो तरी आळ आपल्यावर घेतील. (६)
त्यामुळे, जो हुशार असेल त्याने प्रमुख अधिकाऱ्याची संमती आधी घेतली पाहिजे. जर तो असे न करील तर त्याचा संसार सुखाचा होणार नाही. (७)
